A definición lexicográfica de contorno fluctuante

Resumo

Toda definición lexicográfica típica está sempre constituída por unha paráfrase ou enunciado parafrástico, que repite o contido semántico do definiendum —ao que, polo tanto, pode substituír en calquera contexto—, acompañada ás veces dun contorno definicional, encargado de indicar o contexto sintáctico de tipo argumental en que se usa ese definiendum. Ocorre, porén, que un elemento pertencente claramente ao contorno segundo uns contextos, pode pasar a formar parte da paráfrase segundo outros, situación na que propoñemos falar de contorno fluctuante, que non debe confundirse con contorno opcional, pois neste caso trátase dun contorno que pode aparecer simplemente implícito nalgúns contextos, sen pasar, polo tanto, a formar parte do enunciado parafrástico. O contorno fluctuante é típico, por exemplo, nas definicións de adxectivos cando admiten sustantivación, mentres que o contorno opcional é frecuente cando corresponde a un complemento réxime dun adxectivo. Tamén as definicións dos verbos presentan con certa frecuencia contornos fluctuantes, que pueden referirse tanto ao suxeito (así, nas definicións de llover, nevar, se usan ou non impersoalmente), como ao obxecto directo ou complemento de réxime.