Patrimonio hist´orico educativo en femenino: Obxectivos e sensibilidades

Resumo

Patrimonio histórico educativo en femenino: objetos y sensibilidades, constitúe unha obra de referencia para a Historia da Educación desde unha perspectiva de xénero. O volume propón unha lectura innovadora do patrimonio escolar a través da cultura material, combinando análise historiográfica, reflexión crítica e evocación literaria. Os capítulos que o integran configuran un atlas de sensibilidade que revela, a través de diversas voces, como obxectos cotiás -como os costureiros, os manuais escolares ou os xoguetes- actuaron como dispositivos educativos transmisores de valores sociais, morais e identitarios. A obra visibiliza as condicións de vida e de aprendizaxe de nenas e mulleres, denunciando a súa exclusión dos discursos oficiais e reivindicando a memoria como ferramenta de xustiza histórica. O seu enfoque interdisciplinar e museolóxico contribúe a redefinir o concepto de patrimonio educativo, situándoo tamén como espazo afectivo e simbólico. O libro convértese, así, nun exercicio de restitución da experiencia educativa da muller e nun convite a repensar a Historia da Educación desde novos marcos interpretativos.