Los diccionarios compendiados o abreviados del siglo XIX

Resumo

A lexicografía do século XIX presenta unha ampla tipoloxía de dicionarios. Entre os que se poden citar, encontramos dicionarios que compendian ou reducen obras maiores. Esta técnica lexicográfica importouse de Francia, e tiña unha finalidade tanto comercial como social, xa que os dicionarios reducidos estaban destinados a sectores da poboación que non podían ter acceso a obras que, polo seu tamaño e edición, resultaban difíciles de adquirir ou de manexar. Debemos supoñer, asemade, que algunhas delas se elaboraron, non para un público xeral, senón para ser empregadas no ensino. A técnica lexicográfica do compendio ou abreviación prodúcese tanto na lexicografía académica como non académica. Entre os dicionarios que utilizaron a técnica do compendio hai que mencionar ao da propia Academia, que reduciu o dicionario de Autoridades, condicionada polas circunstancias históricas e sociais. Este procedemento está presente ao longo de todo o século, pois na súa segunda metade fanse tamén reducións nos dicionarios enciclopédicos.